Najot Ta’lim jamoasida "Kitobxonlik quiz" musobaqasi bo‘lib o‘tdi

Mutolaa va doimiy izlanish — Najot Ta’lim jamoasi madaniyatining ajralmas qismidir. Kuni kecha markazimizda jamoadoshlarimiz o‘rtasida bilimlarni charxlaydigan va hamjihatlikni oshiradigan qiziqarli "Kitobxonlik quiz" musobaqasi tashkil etildi. Ushbu tadbir shunchaki zakovat bellashuvi emas, balki kitobsevar xodimlarimizni bir joyga jamlagan samimiy va ma’rifiy uchrashuvga aylandi. Quiz davomida ishtirokchilar turlicha yo‘nalishdagi — jahon va o‘zbek adabiyoti, badiiy asarlar hamda turli sohalarga oid kitoblarga bog‘liq bo‘lgan savollarga javob berib, o‘z bilimlarini yana bir bor sinovdan o‘tkazishdi. Guruhlar o‘rtasidagi do‘stona bellashuv, har bir savol atrofidagi qizg‘in muhokamalar va to‘g‘ri topilgan javoblar keltirgan quvonchli lahzalar barcha qatnashchilarga ko‘tarinki kayfiyat bag‘ishladi. Bu kabi tadbirlarni tashkil etishdan asosiy maqsad jamoadoshlarimiz o‘rtasidagi o‘zaro ishonch va jamoaviy ruhni mustahkamlashga qaratilgan. Birgalikda yechim topish va fikr almashish jamoa a’zolarining bir-birini qo‘llab-quvvatlash qobiliyatini rivojlantiradi hamda markazimizda kitobxonlik madaniyatini yanada ommalashtirishga xizmat qiladi. Najot Ta’lim jamoasi nafaqat sifatli ta’lim berish, balki o‘z ichki jamoasining shaxsiy va ruhiy rivojlanishiga ham alohida e’tibor qaratadi. Ushbu intellektual va ma’rifiy tadbirlar markazimizda an’anaviy tarzda davom etadi.